مسلسل هندى ( يفطس من الضحك)

الحلقة الأولى
مرة وأميتابت شان لسة شباب كان راكب الفيل ورايح السغل وعمال يغنى " أركب الفيل .. درجن ..درجن.. وأتفيل ..درجن.. درجن .. دن"
وهو فى الطريق لقى بنت فى اللفة على باب جامع فشلها وبعدين جة راجل شرير عاوز يختفها فطبعا أميتابتشان ضربه فضحكتله البنت
وغنتله نصف ساعة
وغنلها نصف ساعة

وبعدين روحها البيت وهو راجع لقى يافطة مكتوب عليها " تعديل الدستور( الرئيس شوهان هيورث الحكم )

الحلقة التانية
... بعد سنين...
وأميتابت شان لسة بجد شباب
كان راكب الفيل ورايح الشغل فلقى بنت شابة واقفة فى الطريق أتارى دى البنت الى فى اللفة
فأعدوا يحبوا فى بعض شوية وبعدين جه الراجل الشرير وعاوز يخطف البنت فطبعا أميتابتشان ضربهم كلهم ببنادقم بمطاويهم بكله بس ياعينى صباعه اتخربش المهم كملوا حب فى بعض
وغنتله نصف ساعة
وغنلها نصف ساعة
المهم روحها وبعدين وهو راجع لقى يافطة مكتوب عليها " تعديل الدستور (الرئيس كينى مينى شوهان هيورث الحكم )

الحلقة التالتة
... بعد سنين..
وأميتابت شان لسسة بجد بجد شباب كان رايح الشغل فلقى ست عجوزة واقفة أتارى دى البنت الى فى الفة
وبعدين جه الراجل الشرير ومعاه الستين واحد وخطف الست
راح أميتابتشان المكن الى خاطفينها فيه ولقاها متعلقة من رجلها وجه الرجل الشرير وقال : أنا كنت عاوز أقول لك ان الست دى تبقى أمك
فقالت الست : أيوة يا أميتاب يا ابنى أنا أمك بس ماكنتش عاوز أقولك وأنا فى اللفة علشان العار ياحبيبى
فقال أميتاب : ياحبيبتى ياأمى
وبعدين راح قاتل الراجل الشرير والستين واحد
وغنتله نصف ساعة
وغنلها نصف ساعة
وروحوا البيت وبعدين لقى يافطة مكتوب عليها " تعديل الدستور ( الرئيس حادى بادى كرنب زبادى كينى مينى شوهان هيورث الحكم)"
الحلقة الأخيرة
... بعد سنين...
وأميتابتشان لسة بجد بجد بجد بجد شباب كان مروح لقى ست بتموت أتارى دى البنت الى فى اللفة فجأة جه حفيد الراجل الشرير وعاوز يخطف الولية وبعدين أميتاب موته فالولية وهى بتموت قالتله : أنا كنت عاوزة أقولك حاجة أنا أبقى جدتك والراجل الشرير دة عمك وحفيه ابن عمك والستين واحد اخواتك
فى الرضاعة
فقال : ياحبيبتى ياجدتى
وغنتله نصف ساعة
وغنلها نصف ساعة
وبعدين ماتت وأميتابتشان ماشى لقى يافطة مكتوب عليها " الشعب يرفض توريث الحكم"

النهاية
منقول